U SCECCU DI PANTIDDRARIA Comu lu gaddruzzu, puru lu sciccareddru, cu lu so versu di ghenti risbigghia un munzeddru! Nte matinati o a scurata, duranti a “Stati”, sentu spissu una cantata: Hio!…Hio!…Hio!…Hio!…oooo! E’ lu versu di dri pocu sciccareddri di Pantiddraria, chi si trovinu a viviri viscinu casa mia. Lu so versu mi fa pinsari a quarcunu chi Scola un mulia, e: “Sceccu!”……o “Scecca!” si discia. Si chista nomina s’avia, quasi un putì caminari mmenzu la via. Ma lu “Sceccu” e la “Scecca”, un tempu furunu tantu mpurtanti, chistu u rigurdamu, chiddri cu l’anni avanti. Du latti di la “Scecca” si sirveru, pi fari bagni li Rignanti, comu puru, pi nutricari li Lattanti. I “Scecchi Pantischi”, ernu armali doscili e risistenti, a lu patruni sempi ubbidienti. Vininnu spruttati comu menzi di trasportu e pi li pirsuni ernu un gran cunfortu. Cu lu “Sceccu” lu Viddranu lu tirrenu lavurava; ghirannu nta l’Aira, li spichi d’oiru o di furmentu pistava; a lu Mulinu, la mascina fascia ghirari, pi farina e canigghia ricavari. Nta li vertuli di la barda chi nta so schina purtava: vallira d’acqua, cascittini di pisci, cuffina di rascina, sacca di sciappiri e di farina traspurtava. Pi li festi di San Petru e Paulu o di San Ghiuvanni a lu “Vagnu” tutti si ia, pi vidiri curriri li “Scecchi di Pantiddraria”. “A cursa di i Scecchi” la sciamannu e cu vincia, ogn’annu u primiannu.
Cu lu tempu, dru “Sceccu”, dru ia in estinzioni, ma ora sci ripinsò a nova ginirazioni, a pruvvidiri pi la so’ ripruduzioni. A niautri unni resta chi l’alligria Di vidiri e di diri
W LU SCECCU DI PANTIDDRARIA!
Immagine da PAS, Pantelleria Archivio Storico
Maria Valenza
