Pantelleria – IV Premio Lillo di Bonsulton, la poesia di Caterina Almanza “U sceccu di Pantiddraria”

Nel IV Memorial Lillo di Bonsulton, celebratosi lo scorso 3 agosto 2026, presso la Sala Consigliare del Comune di Pantelleria e organizzato dal Centro Culturale Giamporcaro, troviamo la poesia in vernacolo pantesco

U Sceccu di Pantiddraria di Caterina Almanza

U sceccu di Pantiddraria è speciali,
iddru ti guarda e ti voli diri :
” jè sugnu prontu, a iri unni vò tu.
” Quannu eru nica,, pinsavu chi lu sceccu, mi sintia,
quannu je ci pallava, pirchì iddru mi guardava
e…. muvia la cuda:”ccà e ddrà “.

Si chiama sceccu,
pirchì è sempri prontu
a fari soccu voli u so’ patruni.
A scecca, di mè nunnu Titta,
era lenta “comu u trenu rapidu”,
dicia. e..iè a chiamai Rapida.
La scecca era di me’ nunnu,
jè però, la sinttia amica e cumpagna.

Quannu mè nunnu
mi facia cchianari supra a barda
e jè tinia la cingula, forti ccu li manu,
e dicia: “chianu, chianu,
Rapida, nun mi fari cadiri”,
e…. la scecca capia
e mi rispunnia cu la cuda chi muvia:
“ccà e ddrà…” pianu pianu, e je capia..

La mè scecca era speciale,
quannu mi guardava
e la vucca muvia
e l’avricci si raddrizzannu,
pì sentiri megghiu,
soccu ci dicia.
Cu li redini tra li manu,
mi purtava ‘nta u me sognu speciali,
unni nasci u suli
e…a vita brilla.

Rapida purtava me’ nunnuTitta,
tutti i jorna a lu dammusu di Campubeddru
pi’ dari da manciare a li gaddrini,
a lu purceddru.
Stava rintra a so’ casuzza,
vicinu a lu ficudinna.
La nostra scecca era rintra a staddra,
chi lu spittava pi’ turnari a lu paisi.

Era u ’43 eu celu si inchiu di fumu e fisca,
tantu forti chi l’avricci nun riniscinnu a suppurtari…

e ti mucciavi pirchi’ i caccia,
li bummi iccannu, comu curiannuli a carnivali
“U ‘nferno iè vitti “,
dissi mè nunnu,
“cosi di natru munnu chi ti fa sbannare a testa.”

“Eru a la staddra di la mè scecca,
pi’ darici lu fenu, chi cugghii pi’ iddra,
tanti aerei, unu appressu all’avutru,
jè vitti; tanti vulannu vasciu,
chi li casi tuccannu, li vitti,
cu li me’ occhi e tanti bummi iccannu supra li casi
e… nta i tirrena;
supra i mura caduti i petri vulannu.

“La vitti, cu li me occhi, la bumma,

cadiri ‘nta lu pirterra di la me casa,
focu e fumu e jè… sbannai, tuttu si muvia
e ….scirricai.
Mi truvai sutta la panza di la mè scecca
chi si vasciau e…mi liccau la frunti.
Grazie, e…’nta li lacrimi l’abbrazzai.”

Caterina Almanza

……………….
Eccoci su WhatsApp